Gas Natural Fenosa - Corporativo

Buscador

Menú Navegación

Reputación e responsabilidade corporativa

Estás en:

  1. Inicio >
  2. Reputación e responsabilidade corporativa >
  3. Contribución ao desenvolvemento

Contribución ao desenvolvemento

Parque eólico de Ponteceso en Galicia

O reto das compañías do sector da enerxía consiste en satisfacer a crecente demanda enerxética dun mundo en desenvolvemento e, ademais, deben facelo dun xeito cada vez máis limpo, máis seguro e máis fiable. A subministración de enerxía baixo criterios de sostibilidade, eficiencia e seguridade é a principal contribución de Gas Natural Fenosa á consecución dun desenvolvemento máis sostible.

Unha compañía que subministra enerxía limpa

Poste de recarga para o vehículo eléctrico

A compañía traballa na prevención dos impactos e a redución dos contaminantes mellorando a eficiencia dos procesos, instalando equipos de alto rendemento e empregando as mellores tecnoloxías dispoñibles.
No ámbito da eficiencia enerxética e a redución de emisións, o gas natural é a mellor, entre os combustibles fósiles, das alternativas dispoñibles. As súas propiedades ambientais e versatilidade como fonte enerxética, sitúan o gas natural como unha das mellores opcións fronte ao cambio climático e outros problemas ambientais, como a calidade do aire ou a acidificación de chans e augas.

Unha compañía que aposta pola eficiencia e a I+D+i

A actividade en I+D+i de Gas Natural Fenosa está guiada polo seu Plan de Tecnoloxía. O obxectivo xeral dos proxectos de I+D+i é a mellora das tecnoloxías, técnicas e procesos actualmente empregados e a incorporación de novas tecnoloxías, co fin último de mellorar a seguridade, sostibilidade, impacto ambiental, produtividade e eficiencia da compañía.
A dedicación económica de Gas Natural Fenosa a estes proxectos ascendeu a 10,1 millóns de euros.
 

Unha compañía comprometida coas comunidades

Gas Natural Fenosa desenvolve a súa actividade nun ámbito cada vez máis internacional. A prosperidade da compañía pasa, consecuentemente, por desenvolver o seu negocio en áreas onde os niveis socioeconómicos teñen marxe para a mellora.
Nestas áreas, a correcta relación coas comunidades locais formúlase como imprescindible para que a compañía poida desenvolver axeitadamente o seu negocio. Un diálogo fluído e bidireccional coas comunidades locais facilita o desenvolvemento da actividade empresarial en condicións óptimas á vez que potencia os impactos positivos e minimiza os negativos sobre as comunidades locais.
Neste sentido, e no marco da súa Política de Dereitos Humanos, Gas Natural Fenosa reiterou o seu firme compromiso co respecto das comunidades locais e os seus modos de vida, comprometéndose a avaliar o impacto, tanto positivo coma negativo, que as súas actividades poidan ter sobre as comunidades afectadas e contribuír á mellora das condicións de vida destas.
Co fin de dar cumprimento a este compromiso, durante 2012 Gas Natural Fenosa desenvolveu unha metodoloxía de avaliación do impacto social, baseada na metodoloxía "Measuring Impact" do World Business Council for Sustainable Development (WBCSD), cuxo obxectivo é axudar a definir iniciativas e programas para xestionar de xeito efectivo os impactos sociais asociados á actividade da compañía.
Esta metodoloxía foi probada e adaptada á realidade de Gas Natural Fenosa a través dun proxecto desenvolvido durante 2012 na central hidroeléctrica de Bujagali (Uganda), onde a compañía, a través da súa filial O&M, é adxudicataria da operación da central.
 

Compromiso coa sociedade

Coñeza as iniciativas que desenvolve a compañía, como parte do compromiso adquirido coas sociedades onde opera.

Ver máis

Información de la web

Acerca de Gas Natural Fenosa

© Gas Natural Fenosa

Plaça del Gas, 1. 08003 Barcelona

Presenza mundial

De interese

Máis información

Destacados

Sitios recomendados