- Corporativo

Gas Natural Fenosa é a empresa líder en eficiencia enerxética en España e un referente neste campo no ámbito internacional. A compañía considera a eficiencia como a principal ferramenta para garantir a subministración enerxética, contribuír á competitividade dos seus clientes e mellorar a sostibilidade ambiental.

A compañía canaliza a súa actividade a través de Gas Natural Servizos, que lles ofrece solucións de eficiencia aos clientes en función das súas necesidades e do seu consumo. Aos de menor gasto enerxético, a compañía proponlles Solucións de Caracterización Enerxética, Solucións de Subministración Enerxética e Solucións de Confort.

Para os clientes con maior consumo, a compañía achega Solucións de Mobilidade e Solucións de Eficiencia Enerxética.

• Solucións de Caracterización Enerxética: A través dun detallado estudo do usuario, Gas Natural Fenosa detecta a súa situación enerxética actual e propón medidas de eficiencia enerxética ou renovables para reducir o consumo.
• Solucións de Subministración Enerxética: Gas Natural Servizos ofrécelle ao cliente a subministración de enerxía en contratos a longo prazo, coa garantía dun aprovisionamento continuo.
• Solucións de Confort: Este servizo permítelle ao cliente pagar só pola enerxía útil que consume. Gas Natural Servizos faise cargo da central de produción (equipos, operación e mantemento) e da compra da enerxía primaria. O cliente recibe a enerxía útil ao prezo garantido no contrato.
• Solucións de Mobilidade: Neste apartado inclúese o uso de combustibles alternativos cuxo custo e impacto ambiental sexa menor que o dos combustibles tradicionais empregados en automoción. Entre outras tecnoloxías, inclúese neste apartado o gas natural vehicular e o coche eléctrico.
• Solucións de Eficiencia Enerxética: Gas Natural Servizos, como Empresas de Servizos Enerxéticos (ESE), encárganse de mellorar a eficiencia enerxética de instalacións ou edificios cun modelo de negocio distinto do habitual. A ESE asume certo risco económico nos contratos, xa que o pagamento dos servizos prestados se basea, en parte ou totalmente, na obtención de melloras da eficiencia enerxética prometidas e no cumprimento do resto dos requisitos de rendemento acordados co cliente.