- Corporativo

Tras a adquisición da compañía eléctrica Unión Fenosa, terceira do mercado español, Gas Natural Fenosa culminou o seu obxectivo de integrar os negocios de gas e electricidade nunha compañía con longa experiencia no sector enerxético, capaz de competir de forma eficiente nuns mercados sometidos a un proceso de crecente integración, globalización e aumento da competencia.

É a maior compañía integrada en gas e electricidade de España e América Latina, líder en comercialización de gas natural na península Ibérica e primeira distribuidora de gas natural de América Latina. Cunha flota de 11 buques metaneiros, é un operador de referencia de GNL/GN da conca atlántica e mediterránea, onde opera 30 bcm.

O Plan Estratéxico 2010-2014, establece dúas fases diferenciadas: ata 2012, a compañía enfocarase no fortalecemento do balance, a optimización para a consecución de sinerxías e o crecemento orgánico.

A segunda fase, ata 2014, centrarase na realización de investimentos, en función do ámbito, para aproveitar oportunidades de crecemento en mercados e negocios clave, pero mantendo a solidez financeira.

O plan prevé manter a área de negocio de América Latina como un piar clave dentro do grupo enerxético.